La heller katten mala

La heller katten mala
la han leggja det lette
mjuke hovudet sitt
mot handa di
medan han malande
lærer deg noko
om å ta i mot,
om å la sekunda koma
om å la minutta gå.
Etterpå kan du
snika deg ut
som ein tjuv om natta
for å stela deg ei handfull liv
og ei korg morellar.
Det er masse tid igjen
framleis kan du fylla ho
med ord og pust og skogsfiolar
med spindelvev og blomsterfrø,
med dei mjuke stega
frå ein katt.

Heidi